مسجات عتاب

[%الشريف%]

ماكنت شي وشلون ازعل لفرقاك
عادي وجودك كان وان رحت عادي
جايز اكون اول تعاطفت وياك
لكن فبالي كان تركك وكادي
لاتنفعل لاتثور لاتبرر خطاك
ماينفع الغرقان مد الايااادي'

_______________


طال البعاد ولع القلب فرقاك
ومن غيبتك صاب المولع مضره
اسهر طوال الليل واعيد ذكراك
واراجع الماضي وبالقلب حره
يذكر زمان فات بالخير وياك
الله يعيده لو بالايام مرره

_____________


الالم والهم والخوف الدفين
والشقى والضيم واهات العنا
والاسى والظلم والدمع الحزين
كلها اسماء والمعنا (انا )...وافي الجروح

_________________


لو الزمن مره يجينى على الكيف
مقدار ما يفهم لبيب الا شاره
بشرت غلطا تى بحسن التصاريف
واخذت من نفسي لنفسي بشاره
وش يحرج الرجال غير المو اقيف
اللي تنزل هيبته واعتباره
والله لو تعرض رقبتى على السيف
أهون علي من الندم والخساره !!!

_____________________


الحين بس أقدر آخذ قراري
اللي من محيرني من العام لليوم
بعدك ونكرانك ورد اعتباري
ثلاث حاجات بها القلب مهموم

_________________________


((مسكين قلبي هو بدى منه تقصير
هوناقصك يعني تجئ تستغله...!!))

_______________________


زفت لى الفرقا تباشير حلمى
والحمد للة مابقى لى كود حسرات


______________________


خلاص يكفيني معاناة وياك
ارحل وبرحل مابقا شي فيني
اتعبتني وياك واتعبني رضاك
واتعبت قلبي ياشقاي ونيني
محدن ترى فيني يسوي سواياك
محدن غيرك اهمومه تجيني

___________________


((يابنت...ياللي كل همك غرامي
الظاهر انك ..جاهله بالعناوين

كم قلت لك هالحب ماهو مرامي
روحي اكيد انك بدالي تلاقين ..!!))

_______________________


فجري اللي تبينه من غيابك وغيبي
اصلا القلب ..ما بقى به شظايا !!
واتركي لي جروحي جعلها ما تطيبي
ولاتخلين عندي ..منك اية.. بقاياا !!
غلطتي واحتملها يوم اعامل بطيبي
واحسب الناس مثلي واضحين النوايا..!!
_____________________


شفت المقفي وربي ما أتبعه لو خطوتين
وأصبعي وهواصبعي لامن غدرني أبقطعه
بأسألك سؤال واحد والجواب بكلمتين
لاصار قدرك والهوي خصمين من تاقف معه
ياخي عز الكرامه وانت دايم مستهين
ياخي ضرسك لو يعورك بذمتك ما تشلعه

________________________


سلامتك معاد لي رغبة فيك
لاصد قلبي صد من دون رجعه ..

_____________________


مجبور نضحك يازمن العجايب ....
دام البشر صار بوجه وجهين....
غصب علينا نبتسم للمصايب.....
دنيا نسايرها على العسر واللين....
منها بكى طفل صغير وشايب....
وياما ضحك منها عليها مجانين....

______________

مع السلامه

مانبي غير
فرقااك

دامك مقفي
مالنا
فيك
قدره

_____________


دنيا تضيق وفزعة الله قريبه
وعند الفرج مايخذ الضيق ساعة ....

_________________


لا فاضت أحزاني ولا زاد همي
ولا إنشويت من الفراق وتحرقت

لا مت من صدك ولا فار دمي
لأن الحكاية كلهاا مضيعة وقت


_________________


ما دام طعت الوقت فيني واقفيت

تحمل اللي يجيك لا جيت تايب

______________


كفي دموعك مال للاحزان ميعاد
مادام هذي رغبتي فاهجريني
انتي سراب وكلمة الحب تنعاد
ماودي احرج خاطرك وافهميني
نفس الظروف ووقتنا كله عناد
ابلتمس لك عذر واعذريني

__________________

لا همني قربك ولاهمني رضاك
والله ولا ذكري بقلبي تجيبك
الصد عندي من بقايا عطايات
لا بوك لابو كل طاري يجيبك
___________________


هذا الزمن حاكم وأنا فيه
محكوم
ماهمني كبر الفضا و
أتساعه
مدام دمعي جف والقلب
مصدوم
بقول للأحزان سمعا (ن) و
طاعه
ومدامني عشت الزمن دوم
محروم
شيصير لوضاقت علي كل
ساعه؟


__________________

لا تحسب ان القلب هام وضمنته..


نذر علي ان ذلني ما اعترف فيه..


____________________


لاتنتظر منا الرجوع انتهينا
كم واحدن قبلك تكبر وعفناه ؟

____________________


أنهنت في حبك وانا حر ما أنهان
والحر ما يرجع لشخص يهينه
والله احبك حب والقلب ما خان
حا فظ عهوود الحب يومك تبينه !
بس للاسف ما أقدر على حب خوان
يمشى يشيل اسمى وباجر يهينه !!!

_____________________


رص المشاعر بالحبر يا قلم رص
وبعد المشاعر باقي الحب رصه
قلبي يعاني وانت بالحب مختص
وانت اللذي عقلي بلافكار خصه
قصه غرام وكانت اكبر من النص
فها حبيب ساكن القلب نصه
اخر كلامي اطلبك ياقلم وص
خلو علاجي بالاشواق وصه

_____________________


قالت فمان الله واقفت وانا اقول
متى علي يا زين تنوي الرجوعي
قالت وهي تبكي فراقٍ على طول
واهتز قلبي هزتينٍ تروعي
واقفت وانا حاير ما ادري وش اقول
حاولت اجامل وافضحنّي دموعي
ونيت ونه واحدٍ طاح مقتول
منها خفق قلبي وحطّم ضلوعي
من شاف حالي عقبهم قال لاحول
اسهر وحدي والخلايق هجوعي




عشرة عمر معك انتهت وانتهينا
وآخر دقايقها دموع الوداعي
شيٍ طبيعي نفترق من بعضنا
فرقا وراها ما اظن اجتماعي
غرّت بنا الايام غصبٍ علينا
واستعجل المكتوب طوى شراعي
ورد المحبه فرّطت به يدينا
واصبح هوانا مرجعه للضياعي
لابد ما تنسي حدينا السنينا
والا بقلبي جروحه وساعي




لاتنصدم لو شفت بعيوني الموت ..!!
قبلك اشوف الموت .. داخل كياني
تعبت ارتب لك من احساسي بيوت
تعبت افكر كيف قلبك رماني..!
لا تكسر أغصاني لجل تقطف التوت
ياخي دخيلك ماتلاحظ مكاني ..؟!



انا لاجتني الزله من الجاهل وهو كذاب
تركت القافله تمشي وراها تنبح كلابه
ترى بدري على مثلي تعيب وساسها معياب
ياليت اللي يعيبني يحاول يستر ثيابه

__________________________


خل الجمال اللي بوجهك يسرك
لاصار قلبك من حلا الروح خالي
لاصرت ماترفا حبيبن يبرك
وش خانت العشره من اول وتالي
اللي وطا هالناس لازم يمرك
اصبر وشوف الوقت يثبت مقالي

_______________________


بحضر زفافك مثل باقي المعازيم
لو كان في ليلة زفافك وفاتي
بحضر نهاية قصة الحب والضيم
واكتب على جرح الهواء ذكرياتي

_________________________


ودعتها واخفيت عنها دموعي
خايف تحس بحسرتي والتياعي
قالت فمان الله ونطر رجوعي
واشرت بالتوديع حال استماعي
ساكت ولا رديت ماهي طبوعي
من عبرتي تفرض علي امتناعي


________________________

تعشق معي عشره وفينا تفننت

هذا تبسمله وهذا شطبته

انا ترى لااقفيت قفيّت مابنت

والشخص لامني كرهته كرهته

مااذل نفسي وارخي الراس يابنت

واللي بغا فراقي ترى ماجبرته

________________________

نفسي عزيزه وافهم العلم لاهنت

الذل مايوم ٍ بعمري تبعته

رفضت غيرك وانت بالحب مالنت

ياقرد حظي يوم غيرك رفضته

واذا الغلا يرجع على معرفة نت

انسى الذي بيني وبينك كتبته

________________________



حسبي عليك بجرح قلبي تمكنت

ادخلت سم الغدر فيه وجرحته

وانا نسيت اني عرفتك على النت

كنت اعتقدك اوفى عشير ٍعرفته

واثر الغلا زوّال ياسرع ماخنت

كم واحد ٍ غيري بزيفك عشقته


_______________________


مصدر حياتي عزتي واعذريني
مقدر اواصل بالهوى حاني الراس
صحيح حبك نقطة الضعف فيني
مانكرت لكن عزتي مالها قياس

__________________________

انا نسيتك ورب البيت نساني
ماعاد به شي مابينك ومابيني

___________________

اعتلي يانفس واعقل ياخفوق
.وارقدي ياعين وارحل ياهوى
بنصحك ياقلب لايطويك شوق
روحته مع جيته عند سوى
من يحطك تحت لاتعليه فوق
ومن يحطك فوق يبشر لانوى
الكرامة مايوطيها امخلوق
والنجم لاطاح قالوله هوى

_________________________



أبتركك للغير منهو يسليك
وأببتعد وأنسى ماضي مسيرك

دامك هويت الغير فالله يهنيك
وأنا باعيش أذكر على الدوم خيرك

خلك معه خلك.. يمكن يراعيك
بس لاتجيني لامن خلاك وحب غيرك

_________________________

قال ابي امشي
قلت عفوا على وين
قال بقفي
قلت مرواح جدي
وش صار يعني لابغيت تقفي
بأموت يعني لانويت بصدي
انا قوي الباس مانيب مسكين
واموت انا في شي اسمه تحدي


__________________________

ان جيت من غرب انا لاروح من شرقا
لابارك الله في درب فيك يجمعني
وياللي على فراقه عيوني غدت غرقا
كلي من اقصاي في حبك مغرقني
واللي طحاالارض وخلا هالسماء
زرقا لعلمك كيف تندم يوم تهجرني

____________________________

عتبرني حلم عابر في حياتك

اعتبر حبي سحابة في سماك

اعتبرني من بقايا ذكرياتك

اعتبرني شخص ما يرغب لقاك

ابتعد واجمع مع غيري شتاتك

يوم صار الغير هو غاية هواك

التسلي بالمشاعر من صفاتك

يا فقير الحب اتبع من غواك

روح دور يا عديم الذات ذاتك

بارخص الاسعار يخسر من شراك

_____________________________


بسكت واخبي جرح قلبي عن الناس
مادمت ياخلي في بعدي تناسيت
افهم ترا مافيني شي من الياس
لاني عرف الحب صادق وحبيت
دام الغلا مع كل شخص له اقياس
مات الغلا من يوم عني تخليت

_________________________________

روح ولا ترجع ولاني مناديك ** صامل ** درب الجفا لامن بغيته تدله

____________________________

حبيبى ماهو بكيفى اموت لخاطرك وأحياك

أنا وربى على ايدك اموت بلحظه وأحيابك

تصدق من كثر ماكنت أحس براحتى وياك

احس استغفر الله
استغفر الله

جيت للدنيا من اسبابك

________________________

طلعت روحي قد ما احاول أرضيك
والقلب حاول فيك قدر استطاعه
والعين باغلى دمع راحت تناديك
وتشكيك شكوى ميتين المجاعه
والله لو ادري ان هذه مواريك
وانك نويت تخون واثمن وداعه
ما كان صدقتك ولا جبت طاريك
يا واحد فرق بشملي وباعه
اخذت مني ما يهمك ويكفيك
اخذت كلي صدق ماهو اشاعه

__________________________

للمعزه براسي يابنيه رصيد
لوتطيح المعزه وش نبي بالحياة
كانها بلمعاند ابشري بالعنيد
وكانها بالتحدي ماتحدى بنات

_________________________

وصيت هلي لاذبحني غلاكم
قدام بيتك بالثرا يدفنوني
ترتاح روحي يوم اجي في ثراكم
وذا وحشتك قلهم يظهروني
هذا الوعد والله يقبل عزاكم
واذا مشيتوا فوق قبري ((اذكروني ))

___________________________

م ن ق و ل

 المصدر : http://forum.merkaz.net/

 

 

 

 

 

[دمعتي المجروحة]

الشريف 2007

احترت ايهم اختار

فالروعة في كل الكلمات

ولا توجد واحده احلى من الثانية

سلمت يمينك على هذا النمقل الرائع

وننتظر جديدك بشوق
 المصدر : http://forum.merkaz.net/



 

 

 

 

 

[النوخذة]

منذ فترة طويلة لم أقرأ شيئاً جميلاً من الشعر العامي

ويصعب علينا أحياناً لإيجاد نظير هذا الموضوع

سأتطفل على منتدى أخي نزيف جروح

وأقوم بتثبيت الموضوع

لأنه بكل بساطة ...... (يستحق)


النوخذة
 المصدر : http://forum.merkaz.net/



 

 

 

 

 

---

آخر تعديل بواسطة النوخذة ، 16-07-2007 الساعة 09:31 م .

[نزيف جروح]

صدقت أخي النوخذة

هناك من الكلمات من تفرض نفسها على من يقرأها
ويشعر بمعانيها ورقة وجمال أسلوبها

دائما ماتشدني بروعتها تلك الكلمات الشعرية المتمثلة
في مسجات الجوالات , يعبر أصحابها بإحساس صادق عنها

الشريف 2007
أبدعت فيما نقلت وأسمح لي ببعض الإضافات لما سبق

**********************

فرصة سعيده وافترقنا على خير
كنت اتمنى تكون قسمة حياتي
هذا نصيبي واللي جنته المقادير
تبعد وأنا أبعد في سكون وسكاتي
ذكراك هذي وانتهت دون تفسير
صارت تسمى ماضي ذكرياتي
فرصة سعيده جمعتنا على خير
خلك بقايا ساكنه ماضياتي

**********************

اذا طلع لك قلب وعرفت تشتاق
تعال دورني تلقاني مكاني
وان كان قلبك نايم ما بعد فاق
خله الين يفوق مع جرح ثاني
ابشرك ما عاد يوجعني فراق
واقسى وجع فيني يزول بثواني

**********************

تعال ووقع بجرحك أنا قلبي كتاب جروح
ما يهمك ترى غيرك جرحني ما افتكر فيني
زوايا القلب تتألم وشرخ في الحنايا ينوح
وعبره تخنق إحساسه ودمع راجف بعيني
زمن فيه الوفا ولى وسيف الغدر به مسموح
يسله من هوى ذاته ويهوى بس يشقيني
زمن فيه الأنا تقتل مشاعر بين روح وروح
وعلى كثر الألم منها صار الفرح مجفيني
شوف الواقع المؤلم يعشق شوفة المجروح
رسخ في داخلي كلي ووده حيل ينهيني


**********************

دمت بود وخير
اخوك نزيف جروح
 المصدر : http://forum.merkaz.net/



 

 

 

 

 

[عاشق السراب]

مجبور نضحك يازمن العجايب ....
دام البشر صار بوجه وجهين....
غصب علينا نبتسم للمصايب.....
دنيا نسايرها على العسر واللين....
منها بكى طفل صغير وشايب....
وياما ضحك منها عليها مجانين....



الله الله عليك يالشريف ...

موضوع يستاهل التثبيت ..

والمقطع السابق عجيب عجيب ...

لك مني اجمل تحية على هالنقل الطيب ...

الى الامام

أخوك : عاشق السراب ...
 المصدر : http://forum.merkaz.net/