خــانة العــشاق .. فتفضلوا من هنا ..

الغمر · 11-07-2008, 01:18 م

وداد .. واعرف وداد : الما ، وصبـح ٍ نـدي
لكنّي اسأل عـن الأرض الهبـا وش تكـون ؟

حفنة .. رمـال ٍ تمـدّ .. كفوفهـا لسعـدي
قبـر ٍ يضـمّ الأغانـي .. ليـن مايبعـثـون

مرحى .. وداد . وتهيّـا للكـرز .. موعـدي
واعشوشب المسك : مسك ٍ خضّـب الزيزفـون

مرحى .. تهـب اغنيـه .. بالأمنيـه تقتـدي
وهناك .. روحي تصيـح بجمـع : ماتعرفـون

هـذي وداد امتـداد اقـرا مــداه وحــدي
هـذي مـلاذ الــرذاذ ومستـهـل الفـتـون

لو تلمس .. الدفتر الأصفـر .. نخيـل يغـدي
لو تهمس بغربتي : كونـي هبـاء ً .. تكـون

يكفي .. لقيت بأغانيهـا .. سبـب مولـدي
من بعد عمـر ٍ نثرتـه فـي مهـبّ الظنـون

للطيش يا نكهـة التبـغ المريـر .. اوقـدي
صوتي .. وصبّي زفير الحبر : شعـر وجنـون

وارمي على كرسي الوحـده .. ثيـاب جهـدي
امـا فضحنـي عـرا .. ولا سترنـي مجـون

وداد تسأل : تحـب ؟ .. أهمس وداد انشـدي
صبح البلابل .. حفيف امسي .. وخضر الطعون

وتعود تسأل .. وانا كنّـي همسـت : اسنـدي
جذعي علـى قبلـة ٍ عجلـى وصـدر ٍ حنـون

احبهـا مـن نهاياتـي .. عجـزت .. ابتـدي
فيها ، وكيف ابتدي طفله .. تصون وتخـون

وانا مـن اوّل سكبـت المستحيـل .. بيـدي
واليوم عاجز لا اسيل كحـل هالـكة العيـون ؟

آهيـن .. وادري بمقصدهـا فنـا مقـصـدي
لكنّي احلـف " ولـو عـزّ السواقـي يهـون "

تمون .. وان تطعـن اوراقـي بسـود المـدي
ارضى خطاها .. ولو تنزع وريـدي .. تمـون

يكفي علي ّ باكر .. ان مـرّت رفـات جسـدي
تهمس بناس ٍ معاهـا : حاولـوا تخشعـون

طفله .. تغنى بها الما .. كيف انا مـا اقتـدي
.. بالما ؟ ولو كانـوا العشـاق مـا يقتـدون

حين اشرقت بي صباح السبـت ذا مشهـدي :
وحدي أناظر لخمس اطفـال .. ملّـوا شجـون

حسيت نفسي .. هكا اللحظة .. سمـا ترتـدي
ثوب الأغاني .. وتسأل : ليـه مـا تلعبـون

وشلون لـو جـت وداد بطيشهـا .. تهتـدي
وش يعزف المحتفي .. وش ينزف من اللحون

الشاعر الرائع : تركي حمدان

المصدر : http://forum.merkaz.net/

الغمر · 31-07-2008, 07:58 م

كثر ماللفرح بسمه كثر ماللحزن الوان

كثر ماتكسر الدمعه شموخ الذات وتذله

كثر ماللسهر مرسى بجفن العاشق الحيران

كثر ماللنوى قصه معه والراوي المله

كثر مالوعة الفرقا تشاف وتنقري وتبان

على وجه المفارق والجروح قدام ومجله

كثر مآاشقت الغربه مسافر راجعٍ ولهان

كثر ماحن لبلاده كثر مافيه من عله

كثر مايبتسم طفلٍ نهار العيد به فرحان

كثر دمع السحاب اليا سقى خد الثرى غله

كثر ماللوصل نبره يجاوبها صدى الحرمان

كثر ما صبري الموحش تعبت اسقيه وآعله

كثر مااحبك احبك شقاي وراحة الوجدان

غلاك اللي نهب قلبي ولا له حد ياصل ( له )

فديت المبسم اللي لا تبسم ينطق الرمان

فديت عيونك اللي في هدبها تبتسم طفله

احبك وان رضى الراضي ولو هو يزعل الزعلان

واحبك كثر مارمشك يصافح وجنتك ظله

حبيبي وقتي الماضي عرف وش قيمة النسيان

عرفتك وانجلى همٍ حجاجه دوم منفله

هويتك والبشر عندي عقب عرفك غدو سيان

وانا يامنوتي ماني لغيرك ملتفت لله

طلبتك كان لي قلبٍ معك ضايع بلا عنوان

امانه تتركه ضايع معك ارجوك لا تدله

الشاعر : صالح السكيبي

المصدر : http://forum.merkaz.net/

آخر تعديل بواسطة الغمر ، 31-07-2008 الساعة 08:02 م .