قصيده اثرت فيني حييل ..

[دمعة المقهور]

هذي قصيده اثرت فيني كثير وحبيت انقلها لأحبابي لتشاركوني فيها00 صراحه قصيده تقطع القلب... واحد اسمه خالد جاه مرض و قالوله انه بيموت كتب الشعر لصديقه يقول له فيها ان يتزوج حبيبته و يبي من صاحبه هذا انه يخليها تنساه ... وهذا معنى الحب الصادق
وصاتي لك من بعدي ........ تموت فيها علشاني
ابيها تعيش و تحيا بك ........ واظل بالذاكره مفقود
وصاتي لك تنسيها ........ ملامح وجهي و تنساني
وتعزفها قصيدة حب ........ على عكس اللي عزفته بعود
وصاتي لك تبعدها ........ عن اشعاري وقيفاني
تراها مغرمة بالحيل ........ ويشهد لي عدد الردود
وصاتي لك تسايرها ........ ترى فيها من احزاني
طلبتك لايضيق بالك ........ طلبتك والطلب مردود
وصاتي لك تناديها ........ حياتي..عمري..ازماني
انا عودتها دايم ........ ادلعها وانا موجود
وصاتي لك تعاملها ........ بطيبه قلب و احساني
تراها تذرف الدمعه ........ ودمعتها بليٌا حدود
وصاتي لك تحفظها ........ سور وآيات قرآني
وتخبرها عن الميت ........ رحل لايمكنه بيعود
وصاتي لك ترسمها ........ على قبري وأكفاني
ابيها لوحة تبقى ........ على طول الزمن محدود
وصاتي لك تمازحها ........ وتشوف الضحكة بأسناني
سعيتك ياضحك هالكون ........ طلبتك لاتصير جلمود
وصاتي لك تقهويها ........ من دلالي و فنجالي
تراها تعشق السمرا ........ ويكفيها دخون العود
وصاتي لك تركبها ........ على خيلي و على حصاني
وربي فارسة من قلب ........ شهادة ماهي لشهود
وصاتي لك تسفرها ........ بلاد الشام و لبناني
ترى يحلالها تقطف ورده ........ وردة من بلد الورود
وصاتي لك تراقصها ........ على الحان رحباني
ترى فيها عرق خالة ........ وفيها من جنون السود
وصاتي لك تحببها ........ فأبونورة بعد هاني
وتنسيها ندم غلطة ........ انا فيها ترى المقصود
وصاتي لك تكرهها ........ في تاريخي و عنواني
أبيها تلعن اللحظة ........ وتلعن كل فرح موعود
وصاتي لك تكلمها ........ عن المجني وعن الجاني
وتخليني انا الظالم ........ وانا من حرق الاخدود
وصاتي لك تشبهني ........ بدم أحمر قاني
وانا هالقاتل السفاح ........ مجرم من عصر نمرود
وصاتي لك تحلفها ........ تتوب تحبني ثاني
ترى يكفيها ماعانت ........ ويكفي حيلها مهدود
وصاتي لك تنسيها ........ وصية قالها لساني
أنا اخبرك رجل موقف ........ وانت قدها وقدود
صديقي مالقيت غيرك ........ يعرف وشلون تنساني
أمانه ضمها بقلبك ........ ترى خالد....رحل مايعود

[IMG]أحبك[/IMG]

 المصدر : http://forum.merkaz.net/



 

 

 

 

 

[abo omar osaili]

مشكووووورة أختي على هذه القصيدة الرائعة

فعلا مؤثرة

تحياتي لك وإلى الامام دائما

 المصدر : http://forum.merkaz.net/



 

 

 

 

 

[دمعة المقهور]

تسلم يا بو عمر على مروك دوما في مواضيعي وكلامك الغالي

 المصدر : http://forum.merkaz.net/



 

 

 

 

 

[جهراوي]

اقتباس وصاتي لك تسايرها ........ ترى فيها من احزاني طلبتك لايضيق بالك ........ طلبتك والطلب مردود وصاتي لك تناديها ........ حياتي..عمري..ازماني انا عودتها دايم ........ ادلعها وانا موجود وصاتي لك تعاملها ........ بطيبه قلب و احساني تراها تذرف الدمعه ........ ودمعتها بليٌا حدود

صرااااااااااحه وبدوون مجامله

ابداااااااااااااااااااع في الاختيار

قصيده مؤثره

لا يسعني انا اقول غير

يعطيكـ الف الف عاااااااافيه


اشكرك اختي دمعه

لا تحرمينا من جديدك ومميزك

تحياتي لك

جهراوي

 المصدر : http://forum.merkaz.net/



 

 

 

 

 

[دمعة المقهور]

تسلم يالجهراوي احرجتني بكلامك
والله لا يحرمنا من ردودك الغاليه

 المصدر : http://forum.merkaz.net/



 

 

 

 

 

[الغمر]

يا الله كم هذه القصيده رائعه ومؤثره

فيه ناس كذا يوصي صديقه ياخذ محبويته

هذه الصداقه الحق


دمعة المقهور

شكرااا لك ماسطرتيه بهذه الصفحه

لك ميزة الاختيار والنقل الرائع

ربي يعافيك ويسعدك

تحيتي لك

 المصدر : http://forum.merkaz.net/



 

 

 

 

 

[دمعة المقهور]

مشكور يالغمر .. وفعلا في اكثر من كذا .. الحب يخلي الواحد ينسى نفسه
ويفكر بحبيبه وكيف بيعيش من غيره

تسلم يالغالي على المرور

 المصدر : http://forum.merkaz.net/



 

 

 

 

 

[alkwtawee]

الله يعطيج العافيه والله ضيقتي خلقي يالغاليه
بس مشكووره علي الموضووع الحلوو
بس صج صج تقطع القلب عل عموم
مشكوووووره ^_^ مع تحياتي لج
الكويتاوي

 المصدر : http://forum.merkaz.net/



 

 

 

 

 

[دمعة المقهور]

سلامتك من الضيقه يالكويتاوي
هذي اكثر قصيده اثرت فيني وبكتني
تسلم عالمرور

 المصدر : http://forum.merkaz.net/



 

 

 

 

 

[இAshtkY lwsadtYஇ]

دمعتي شوي وتنزل ههههههه

مشكورهـ على القصيدهـ الروعهـ

{كل الود}

أختك}
{بدور

 المصدر : http://forum.merkaz.net/