بسم الله الرحمن الرحيم
تفاجأت في يوم من الأيام بعد الغدا وأنا في قمة الحوسه
بضيوف إتصلوا علي وقالوا بنجيكم بعد صلاة العصر بصراحة تنرفزت وصرت أحوس في البيت
أرتب وأفتح الشبابيك أبي أخفف ريحة القلي
وشغلت الفواحات لكن ماجابت نتيجه فرحت طيران على المطبخ اللي هومنبع الريحة أخذت ابريق
القهوه احط فيه مويه وطوالي على النار بعد ماغليت المويه رحت أدور على اي عطر مركز فما لقيت
إلا مخلط زوجي أخذت منه كم قطره وحطيتها في المويه وخليته يغلي وكل ما خفت الريحه أضيف كم
قطره إلى أن وصلوا الضيوف وخليته على النار كل ما خفت المويه زدتها وتعالو شوفوا كيف صارت
ريحة البيت والله الريحه واصله لبرا حتى جارتي قالتلي وش نوع فواحتك الريحه واصله لعندي
, طبعا الابريق خصصته لتعطير البيت لأنه مهما غسلتيه بيظل فيه ريحه وصرت أحط أي عطر يعجبني
من عطور زهور الريف أو بدي شوب أو حتى دهن العود والمخلطات,,,,,
أتمنى إنكم تجربونها وقولوا وش يصير معكم
تحياتي لكم
المصدر :
http://forum.merkaz.net/
طريقتي في تعطير منزلي في وقت الزنقه
مواضيع مشابهة 
النمط المتتابع
