اسمعوا يالربع وبالذات انت ياللي في بالي ادري فيك اتموت على هالسوالف وبالذات اذا صارت
كيفكم ياحبايبي منتدى مركاز
اليكم ماحدث عندما ذهب الفارس الى منزلهم
على فكر الابن = الفارس و الام = روبي
(الفارس)
يمه يمه يمه يممماااااااااااااااااه وينش
(الام)
هاه هاه ويش فيك ويش فيك اتصارخ ماتشوف ايدي لاهيه ماتشوفني مشغوله ماتشوف الملاس في ايدي لو تبيني اجيبه على راس ابو اللي جابوك ....... خلني اخلص شغلي تالي انهق على كيفك
(الفارس)
شيه ويش اتسوين يازوجة ابي ياامي ياام اخواني ياعمري ياقمر بني القطيف وسيهات والشرقيه
(الام)
ماعليه العب ابعقلي المهم انت روح وخلني اشوف شغلي
(الفارس)
طيب ماقلتي ويش اتسوين ؟؟؟
(الام )
ويش اسوي ؟ اسوي كبسة لحم يعني رز مع ربيان مع فاصوليا
(الفارس)
شيه من وين النا اللحم ؟ مافيه لحم عندنا ولاتعرفون اصلا اللحم
(الام )
على شان شذيه اتبرعت الكم وجبت الكم عجل كامل اكوه في الصفريه
(الفارس )
عجل كامل وفي الصفريه !!!من وين؟ بايقه بوقه يمه !!!
(الام )
اسكت اسكت قصر حسك لاتفضحنا ..... ترى والله لابلملاس على احنوشك
(الفارس)
ليه يايمه اقصر حسي
(الام )
ايه ايه قصر حسك ترى العجل مو لنا وانا ناهبتنه من مزرعة جيرانا
(الفارس)
يمه عجل!! ماهو دجاجه حق اتبوقينه !!!! ابي اعرف كيف
(الام )
شيه وانا امك لو يكون مستهين بي ترى ماروح قوتي الا ابوك وصراحه ماقدرت اتحمله وصار اللي صار
(الفارس )
ماعلينا انا ابي اعرف كيف صدتين العجل
(الام)
باختصار يا روحووووه انا شفت العجل يرعى مناك وانا لعابي سال منيه
على طول مسكته من ارقبته ودغري على السيكل اوينك يالسكين
(الفارس )
يمه انتي سويتي ديه كله لوحدش !!!
(الام)
شيه انت هبل اكيد مو لوحدي
(الفارس )
اجل منهو اللي معاش اعترفي ابسرعه
(الام )
قايل لك انك هبل معاي السيكل .... ردفته على المردفه وجبته البيت ...واكو الحين اهو يستوي
(الفارس)
ماعلينا العجل يبي له ساعات حق يستوي ولو اني افضله ني لكن يالله نتحمل وناكله مستوي ........ لكن يمه انا مافيني صبر ترى طفح الكيل وولدش وصل حده
(الام )
ماعليه ياحبي يابني حارس كم ساعه وكون الفطور جاهز
(الفارس)
يمه انا مابي فطور ولابي لحم العيل انا ابي لحم بني ادم
(الام )
لا ياجليل الحيا تبي تاكل لحم بني ادمين صج انك ماتخاف الله روح منت ولدي وانت طالق بلثري
(الفارس)
لا يمه انتي فهمتيني غلط .... انا ابي اعرس ابي اتزوج
(الام )
ويعليه يولدي اشوى ماتهورت وضربتك بالملاس ...تبي اتعرس زين ماسويت يانور اعيوني ..... اكو عندي لك مره خوش مره
(الفارس)
ايه ايه من هي اهي
( الام )
ماراح اقول لك انت حزر انت حاول تعرفها اعرفك ابليس
(الفارس )
ليلوه العرجا ...لا هذي امعرسه ....خنووووه الدبدوبه اوه هذي توفت ........ نرمين
(الام)
لا يعيوني لسه ماعرفتها ...انا اصدق ماتعرفها
(الفارس)
دلال ..ماظن ديرتنا فيها دلال وادري مافي دلال ....لكن من من ؟ ساهروووه لا هذا اصبي ماهو بنت
(الام )
لاساهروووه غير هلهلو
( الفارس)
اجل منهي يمه ماعرفتها
(الام )
يووه ماعرفتها ....(( العمة )) ضرغامه بنت حصوه اخت لولووه بنت ابو شقص
ام ثلاث رجايل هذي اللي فيها فالول في خشمها .....ماعرفتها
اللي تجي الها الحالات في الليل وتقعد طول الليل اتبمبع
(الفارس)
بس بس بس عرفتها عرفتها يمه لاتكملي ..... هذي دلوعه حدها وميوعه وشايفه حالها ماشنه في البلد جميلين الا اهي لا لالا ماتصلح لي انا ابي وحده اتشيلني يمه انا ابيها حق الفزعه يمه مابي السكين ولا الليور يفارق مخباتها
(الام )
لا يولدي العمة خوش بنت وتعجبك توها قبل يومين شادخه الها اثنين ونومتهم في الدختر اكو مريضين وفيهم بواسير واكسور وشلل
(الفارس)
والله زين سوت هالبنت الحبوبه بنت الدلع والدلال يطلع منها كل هذيه
(الام )
وازيدك من الشعر بيت وثالثهم مات لو ماتنازل عنها ابوها وطلعها من السجن كان لسه مسجونه
(الفارس)
توش اتقولين اثنين ... وتعالي ويش دخل ابوها في القضيه
(الام )
ايه اهم اثنين والثالث اخوها فلما هربوا مالقت غير اخوها وذبحته بالفاس
( الفارس )
ايه ايه بس هذي اللي ابيها ( وياخذ روح الشيول والليور والساطور وبعض السكاريب وهو خارج )
( الام )
وين رايح ياحبيبي روح وين ماخذ حلالك
( الفارس )
انا رايح الها يمه خلاص هذا مهرها ..... وبالمره اختبرها ترى عندنا هوشه في الديره
*11*
*13*
المصدر :
http://forum.merkaz.net/
النمط المتتابع
مواضيع مشابهة 
