اهلين شباب وبنات هذي قصيده قريتها ومره اعجبتني وحبيت اخذ رايكم فيها واذا تعرفون مين اللي كاتبها قولوا لي!!!!!
صدقيني العيد نفسه.. ماتغير من سنين..=فرحة أطفال وتلاقي امة أحباب وقرايب...
والأغاني والكروت وقواة من العايدين..=والتمام الشمل يوم العيد وانسام الهبايب..
والهدايا والتهاني وحب روس الوالدين..=والمواصل للعمام والخوال ولنسايب..
كل حاجه مثل ماهي بس أنا حلف يمين..=إن لا غبت بسجل نفسي في العيد غايب..
اذكر إني من مصلى العيد وأنت تذكرين..=كنت اسبق خطوتي متجه يمك وذايب..
لأجل أكون الشخص الأول لأجل مني تسمعين..=في صباح العيد جملة..كل عام إحنا حبايب..
لأجل نكتب خلف كرت العيد ذيك الكلمتين..=كنت أجيك بقلب طفل وطيش شاب وثقل شايب..
كنت أنا أعايد وحالي باقي العاشقين..=ومامعاي إلا خفوقي وذي عيوني لك وهايب..
وانت في أجمل ثيابك كاشخه والزين زين..=تثبتين إنك عجيبه غير عن كل العجايب..
فرحة العيد بلقانا أصلا فرحتين ..=مثل ضحكات الورود ومثل زخات السحايب..
ما ليوم العيد طعم وما لها ذكرى حنين..=وكل منا في مكان وكل واحد له طلايب..
الرجا في عيد الأضحى يمكن انك ترجعين..=ماأقول إلا عسى الله يجزي من كان السبايب..
وإن رجعت وشفت إني في عداد الميتين..= ذا أنا بوصيك حاجه قبل تنحط النصايب..
طالبك في كل عيد بعد موتي تكتبين..=خلف كرت العيد جملة كل عام إحنا حبايب ..
وكل عام إحنا حبايب
المصدر :
http://forum.merkaz.net/
آخر تعديل بواسطة الفارس ، 06-07-2005 الساعة 08:37 AM .
النمط المتتابع
مواضيع مشابهة 
