.:: لكل بنت منهبله على العرس ::.

[جـوري]

اليوم حبيت اشاركم بهالقصيده . .

وأتمنى إنها تفيد اكثر من كونها تسلي . .

وترى مو القصد فيها تجريح . .

القصد مجرد مناقشه لواقع . .

تفضلوا . .


.:: لكل بنت منهبله على العرس ::.







لاتحسبين العرس توفـي وكتكـات
ولا تحسبينه توكـس والا بونتـي
ولا تحسبين العر س كيكة وطرطات
وصلة قطعتيهـا ووصلـة بلعتـي
ولاتحسبين العرس تصفيق واصوات
وانت عللى صوت الغطاريف همتي
ولاتحسبين العرس كوشة ولمبـات
وانت كما الطاووس فيها جلستـي
ولاتحسبين العرس احلام في الشات
يامـا بنيتيهـا ويامـا هدمـتـي
ولا تحسبين العرس روحة وجيـات
هيا اقضبي بيتك عسـى مانهبلتـي
ليلة سعيدة وانت احلى الجميـلات
تشخص عيون الناس لامن حضرتي
(واللاينر)حطيـه بــلا زيــادات
لا يخرب المكيـاج لامـن دمعتـي
(والمسكرة)تحتاج لطف ومـدارات
حتى يبان الزين لامـن غمضتـي
(والاسبريه )رشيه حتى البصيـلات
ينسك شعرك زين ولو كان زدتـي
وترى(المحدد)فن يحتـاج رسمـات
يبان رسمـه زيـن اذا ابتسمتـي
العرس يابنيـة ماهـو شعـارات
تفنـى مراسيمـه وتبقيـن انتـي
ويبقى شريك العمر راعي الطويلات
هذا هو العرس الحقيقي عرفتـي؟
اول نصيحة لـك حفـظ الصلـوات
صلي العشا والفجر في كل وقتـي
وفي ليلة العرس الموفق وبالـذات
أدعي الكريم بسجدتك لامن سجدتي
والتعري لاترضين عند الكوفيـرات
ولبسك يملي العين لامـن لبستـي
واللي على زوجك تحرضك مـرات
أرجـوك شوتيهـا شوتـت بلنتـي
والصبر في العشرة حتى على فتات
ياماحلا فعلتـك يومـك صبرتـي
واذا حفظت السـر مـع المـدارات
زوجك ترى في عيونه انتي كبرتي
والسوق يعني هاه وقت الضرورات
والا ترى زوجـك يـدور لمفتـي
زيدي الغطاية وكثري في العبايـات
والله يرضـى عنـك اذا ستـرتـي
اوصيك بالكبسة وكثـر اليدامـات
حتى لوانـك مـن سببهـا متنتـي
وخلي الرجيم اللي فشلت في مرات
سويـه مـرة واحـدة لا ولدتـي
اوراق بنيه ترسل ازكـى التحيـات
خصيهـا بالـدعـوة اذا دعيـتـي
تعلمت من دنيتي كـل الإختلافـات
وانا يادنيتي مختلف مهما اختلفتـي

منقوووووول

 المصدر : http://forum.merkaz.net/



 

 

 

 

 

[الفارس]

أهلين أختي جوري

يعطيك العافية

قصيدة جميلة وكلماتها رائعه

بما فيها من النصائح لكل فتاة

بإنتظار جديدك القادم

تحياتي لك

 المصدر : http://forum.merkaz.net/



 

 

 

 

 

[joo100ry]

يعطيك العافية جوري ... والله نصائح مهمة ... وتطبيقها سهل ... بس يحتاج شوي عقل وركاده

لكن ما أوصيك من اليوم شاركي بمنتدى الأسرة عشان تتعلمين الكبسة والإدامات


*** تحيـــاتــــي ***

 المصدر : http://forum.merkaz.net/



 

 

 

 

 

[spy]

حيا الله جوري واللي لفيتينا فيه

صح لسان قايلها وسلمت ايدين ناقلتها

قصيده جميله من قصائد الطرائف ذات المعاني الساميه

التي تحمل رساله خفيفه يتقبلها من يسمعها ويقرأها

نتشرف بوجودك وبمشاركتك معنا

 المصدر : http://forum.merkaz.net/



 

 

 

 

 

[عاشق السراب]

انا اهم شي عندي كثر الطبخ والايدامات هاذي خوش عروس عندي

>>>>>>>>>>خخخخخخخخخخخخخخخخخخخخخخخخخخخ

على العموم مشكورة يا جوري

وصج قصيد رائعة رائعة


وتسلمين على النقل الجميل


تحياتي

 المصدر : http://forum.merkaz.net/



 

 

 

 

 

[السراب المكسور]

صح لسانج يا جوري

ونصائح جميلة للمنهبلات على العرس

وتقبلي تحياتي

۩¸¸.°¨۞۩السـ ™المكسور™ــراب۩۞¨°.¸¸۩

 المصدر : http://forum.merkaz.net/